ДОБРА ВЕСТ: Во Институтот за јавно здравје сите се здрави, продолжуваат со работа
Објавено во: Македонија 07 Јуни, 2020
Откако дел од медиумите објавија дека наводно, двајца доктори и една медицинска сестра од Институтот за јавно здравје се заболени од КОВИД-19, овие информации се демантирани од Институтот.
„Во Институтот за јавно здравје ниту еден од вработените не е позитивен. Епидемиолошките екипи и натаму ја извршуваат својата работа како и два месеца. Ова е официјална информација од Институтот за јавно здравје од директорот на институцијата Шабан Мемети и јавноста треба да бид информирана“, се наведува во соопштението.
Од Институтот посочуваат дека официјалните информации за состојба
се објавуваат на интернет страницата на институцијата и на страницата на Министерство за здравство.
Ова е добра вест од Институтот, бидејќи доколку таму имаше заболени епидемиолози, ќе беше намален капацитетот за испитување на заболените од коронавирусот, што би било многу неповолно во овој период.