ДОАЃААТ ДА ФОТОГРАФИРААТ ОД ЧИСТА ЗАБАВА: Разурнатиот центар на градот Петриња е затворен целосно

Добивај вести на Viber

Центарот на градот Петриња денеска е затворен од безбедносни причини, откако вчера во 18 часот нов земјотрес го погоди овој дел на Хрватска. Земјотресот траеше околу десет секунди и беше со јачина од 5 степени според Рихтеровата скала.

Началникот на Штабот за цивилна заштита на Патриња, Младен Винковиќ, вели дека центарот на градот од денеска е затворен за да не се случи да падне тула врз некого, затоа што луѓето доаѓале само за да се сликаат покрај урнатините.

Тој исто така рече дека секој што ќе дојде во Петриња само за да фотографира, нема да може да руча таму.

-Некој што ќе дојде овде од Загреб да види што се случува и само да фотографира, нема да може да руча. Храната се подготвува исклучиво за жителите чии куќи се уништени или оштетени, како и за волонтерите.

Според него, ситуацијата во градот е под контрола, но луѓето се уште се исплашени.

Не е можно да се утврди степенот на штетата, вели Винковиќ за загрепската Н1 телевизија и додава дека проценката ќе трае со месеци.

Градоначалникот на Петриња, Даринко Думбовиќ, претходно зборуваше за разорните последици од земјотресот, апелираше до луѓето да се евакуираат од своите домови и да го затворат центарот на градот.