Добивај вести на Viber
Постигнувањето на милениумската развојна цел, бројот на гладните во светот да се преполови до 2015 година, се уште е можна, соопшти Организацијата на ОН за храна и земјоделство (ФАО). Оттаму побараа од богатите земји да вложат значително поголем напор за надминување на проблемот со недостигот на храна.
Напредокот кој беше остварен во борбата со гладот од средина на минатата деценија, изгуби на сила, бројот на хронично гладни во светот е намален за 130 милиони од 1990 година, но и понатаму едно од осум лица се гладни, што е неприфатливо во свет на изобилие, истакнуваат од ФАО.