15 Јуни, 2021
0.0263

ДИРЕКТОРКАТА НА ГАК, Д-Р. ЈОВАНОВСКА: Младата жена што почина не е родилка и не е точно дека и се пресечени цревата

Објавено во: Македонија 11 Мај, 2021

На Клиниката за абдоминална хирургија починала млада, 33-годишна пациентка, која во текот на вчерашниот ден поради комплицинарана операција од Клиниката за Гинекологија и акушерство била префрлена таму.

По реакциите на социјалните мрежи дека станува збор за родилка на која и биле пресечени цревата наместо папочната врвка, директорката на ГАК, д-р. Викторија Јовановска, која ја извршила операцијата и е посочена како виновник за смртта на младата жена, за Слободен печат вели дека станува збор за дезинформации.

– Многу жалам за изгубениот млад живот. Но, не е вистина дека се работи за родилка и дека наместо папочна врвка и биле пресечни цревата. Пациентката дојде на операција поради огромен миом во мала карлица, со рапиден раст во последните месеци. Воопшто не беше лесен случај, пациентката претходно била оперирана од пленоктомија, односно и била извадена слезинката. Јас од човечки побуди, токму поради брзиот раст на туморот ја внесов пациентката на операција во време кога имавме редуциран програм на клиниката, рече во изјава за „Слободен печат“ директорката на ГАК, Викторија Јовановска.

Инаку, уште вчера ГАК излезе со соопштение во кое информираат дека по добиените информации од Дигестивна хирургија за комликациите и лошиот исход на пациентката, под итно се состанала Комисијата за контрола на квалитет при ЈЗУ ГАК – Скопје и ја разгледала целата документација од приемот до исписот на Клиниката за дигестивна хирургија.

„Комисијата заклучи дека пациентката е лекувана и третирана по сите протоколи, под висок стручен надзор, заради нејзината претходна состојба и дека е постапено со лекување и третман за високоризични пациенти. Комисијата за контрола на квалитет при ЈЗУ ГАК ќе се состане повторно по добивање на судско-медицинскиот наод. ЈЗУ У ГАК-Скопје изразува длабоко сочувство до семејството на починатата пациентка за нивната голема загуба“, се посочува во соопштението од Гинеколошко-акушерската клиника.

Можеби ќе ве интересира

ФАКТОР НА ДЕНОТ: Се укинува полицискиот час, денес нема починати од коронавирусот

ФАКТОР НА ДЕНОТ: Се укинува полицискиот час, денес нема починати од коронавирусот

Ќе се измени протоколот за организирање свадби

Ќе се измени протоколот за организирање свадби

Приведени двајца Грци кои дивееле во Битола

Приведени двајца Грци кои дивееле во Битола

Мухарем Асани е новиот заменик директор на Царинска управа

Мухарем Асани е новиот заменик директор на Царинска управа

Од полноќ нема веќе полициски час

Од полноќ нема веќе полициски час

Инфраструктурни проекти ќе се реализираат во 23 општини

Инфраструктурни проекти ќе се реализираат во 23 општини

ИНСТИТУТОТ ЗА ТБЦ ЈА ИСПРАТИ ПОСЛЕДНАТА ПАЦИЕНТКА ХОСПИТАЛИЗИРАНА ПОРАДИ КОВИД: Директорот Сеад Зејнел ексклузивно за Фактор

ИНСТИТУТОТ ЗА ТБЦ ЈА ИСПРАТИ ПОСЛЕДНАТА ПАЦИЕНТКА ХОСПИТАЛИЗИРАНА ПОРАДИ КОВИД: Директорот Сеад Зејнел ексклузивно за Фактор

Македонија регистрира 29 нови заразени со коронавирусот, а починати денес нема

Македонија регистрира 29 нови заразени со коронавирусот, а починати денес нема

НЛБ Банка и Одбојкарска федерација во заедничка битка за европската иднина на македонската одбојка

НЛБ Банка и Одбојкарска федерација во заедничка битка за европската иднина на македонската одбојка