Дескоска потврди: Владата побарала одложување на мислењето на Венецијанската комисија, немала ресурси
Објавено во: Македонија 09 Октомври, 2019
Рената Дескоска, министерката за правда, денеска потврди дека Владата побарала одложување на финалното мислење на Венецијанската комисија за Законот за употребата на јазиците, затоа што како што вели таа, во моментов нема човечки ресурси за да ги спроведе заклучоците.
Покрај тоа, од Владата не можеле сега да ги анализираат контра-аргументите на нацрт мислењето на Венецијанската комисија, па и поради тоа побарала одложување на расправата во Комсијата по која треба да се изготви и официјалното мислење на странските екперти за овој закон.
Инаку од ова тело излегоа со некои сериозни забелешки пред усвојувањето на официјалните заклучоци, а најголемиот аргумент е дека ќе се отежне функционирањето на правосудниот систем.
Расправата требаше да се случи на 11 и 12 октомври, додека пак, конечното мислење странските експерти требало да го дадат до 17 октмври.
Процес ќе биде одложен сега кон средината на декември.