Дерковски: Со прешкртана „Северна“ гласачкото ливче е неважечко
Објавено во: Македонија 14 Јули, 2020
Ливчето нема да е важечко ако се прецртува било што на него, вели претседателот на Државната изборна комисија Оливер Дерковски. Деновиве, а особено вчера на социјалните мрежи со фотомонтажи се споделуваа објави на кои наводно поистакнати членови на една партија повикувале да се прешкрта придавката „Северна“ на гласачкото листа.
„Јасно се знае кое е важечко ливче со заокружен број пред носителот на листата, јасно изразена волја на гласачот, се друго се смета за неважечко гласачко ливче и ништо друго не може да доаѓа во предвид, кажа Оливер Дерковски.
Од ДИК демантираа дека се знаат резултатите од гласањето вчера кога своето гласачко право го реализираа лицата кои се позитивни на Ковид-19 и се во изолација. Гласовите се уште отворени
„Овие гласачки ливчиња се враќаат во кутијата на основниот избирачки одбор без да се отворат. Истата таа кутија се користи и денеска доколку избирачкиот одбор има гласање на болни и немоќни лица. Гласачките ливчиња од гласачите позитивни на Ковид-19 и гласачките ливчиња од гласањето на болните и изнемоштени лица се вадат од гласачката кутија пред да започне гласањето в среда. Истите тие ливчиња се вадат од пликоата и се спуштаат во гласачката кутија без да се провери за кого е гласано. Тие гласачки ливчиња се мешаат со сите останати гласачки ливчиња на 15 јули кога гласаат сите останати гласачи, така што резултатите од сите ќе бидат прикажани кога ќе заврши гласањето на 15 јули, изјави Адмир Шабани, портпарол на ДИК.