26 Октомври, 2021
0.0317

Денес ќе се стави потпис за кинеските вакцини, а кога ќе пристигнат во Македонија?

Објавено во: Македонија 08 Февруари, 2021

Дали ќе бидат дистрибуирани вакцините за Ковид-19 од Кина како што најавија надлежните следната недела ќе видиме, но извесно е дека надлежното министерство денес ќе ја потпише набавката за бројка од 200 000.

Министерот Венко Филипче на прес-конференцијата викендов, изнесе подетално објаснување за каква вакцина станува збор.

-Вакцината е добиена на технологија на ослабнување (инактивирање) на целиот вирус, постапка која се користи со децении за добивање на класични вирусни вакцини. Овој тип вакцини има оптимален однос помеѓу безбедноста и ефикасноста, токму поради тоа може да се дава на сите граѓани, без ограничување по било кој основ. Се чуваат на стандарден режим од 2 до 8 степени и тоа од аспект на логистика и дистрибуција, значително ја олеснува нивната примена. Дополнително, вакцините ги добиваме во формулација на претходно наполнет шприц, што ја олеснува и самата апликација на вакцината - изјави министерот.

Оваа вакцина повеќе од 2 месеци веќе се дава во други земји: Кина, Обединети Арапски Емирати, Јужна Америка..., досега се дадени повеќе милиони дози, со потврдена ефикасност над 90% и безбедност во смисла на многу мал процент на несакани реакции.

-За секој граѓанин кој ќе ја прими првата доза, веднаш ќе биде резервирана и втората што треба да ја прими по 21 ден, што значи дека од првата пратка имаме две дози за вакцина и ревакцина за 100.000 лица. Заштита од оваа доза се обезбедува со две дози вакцина - објасни Филипче.

Конкретно за оваа вакцина на Синофарм, термините за вакцинација во ЈЗУ-а ќе бидат на 10 минути, по пациент. ЈЗУ-ата ќе работат во две смени со цел да се постигне што повисока стапка на вакцинација на дневно ниво. Со набавката на вакцината на Синофарм обезбедена е доволна количина за вакцинацина во следните 6 до 7 недели од моментот на започнување на вакцинацијата. Според најавите од Ковакс механизмот и производителот Фајзер, очекуваме во тој период пристигање и на дел од тие обезбедени вакцини, за што здравствениот систем е подготвен за прием, дистрибуција и вакцинација. Министерот Филипче, упати апел до граѓаните во ризичните групи да се вакцинираат во што поголем број како би ги заштитиле од ризик.

Претходно, исто така на прес-конференција, премиерот Зоран Заев истакна дека во нашава земја, вакцините од Синофарм треба да пристигнат меѓу 15 и 20 февруари.


И додека рускиот партнер на соседна Србија, ќе и испорача денеска 50 000 вакцини, ние не знаеме ниту кога процесот на имунизација ќе почне во Македонија.

Подетално прочитајте тука.


Фото: freepik

Можеби ќе ве интересира

Преземени се мерки против наставникот кој тепаше ученик во училиште во Бутел

Преземени се мерки против наставникот кој тепаше ученик во училиште во Бутел

Пациент истепал вработен во Психијатриската болница Демир Хисар

Пациент истепал вработен во Психијатриската болница Демир Хисар

Димитриевски: Градскиот стадион ќе добие целосно нов лик, со реконструкција во неколку фази

Димитриевски: Градскиот стадион ќе добие целосно нов лик, со реконструкција во неколку фази

(ФОТО) Горат бараки во Градски Парк

(ФОТО) Горат бараки во Градски Парк

Весковски: Стопирана изградбата на Прифатниот центар за странци во Бардовци, со одлука на Влада

Весковски: Стопирана изградбата на Прифатниот центар за странци во Бардовци, со одлука на Влада

27 ПАЦИЕНТИ ЦЕЛОСНО ВАКЦИНИРАНИ ПОЧИНАЛЕ ВО НЕДЕЛАТА ОД 15 ДО 21 ОКТОМВРИ: Со кои вакцини биле вакцинирани и кои хронични заболувања ги имале?

27 ПАЦИЕНТИ ЦЕЛОСНО ВАКЦИНИРАНИ ПОЧИНАЛЕ ВО НЕДЕЛАТА ОД 15 ДО 21 ОКТОМВРИ: Со кои вакцини биле вакцинирани и кои хронични заболувања ги имале?

Владата со одлука: Се стопира изградбата на прифатниот центар за странци во Општина Карпош во Бардовци

Владата со одлука: Се стопира изградбата на прифатниот центар за странци во Општина Карпош во Бардовци

Заев: „Алтернатива“ е понижена, не сака да биде во коалиција со ВМРО-ДПМНЕ

Заев: „Алтернатива“ е понижена, не сака да биде во коалиција со ВМРО-ДПМНЕ

РАСТЕ БРОЈОТ НА НОВОЗАРАЗЕНИ СО КОВИД - имаме 511 заболени, а десетмина ја изгубија битката

РАСТЕ БРОЈОТ НА НОВОЗАРАЗЕНИ СО КОВИД - имаме 511 заболени, а десетмина ја изгубија битката