ДЕМОКРАТИТЕ ЖЕСТОКО УДРИЈА НА ТРАМП: Покрената истрага која може да го симне од функција

Добивај вести на Viber

Покренувањето официјална истрага што може да доведе до отстранување на претседателот Доналд Трамп, ја најави спикерот на Претставничкиот дом на САД, Ненси Пелоси, од Демократската партија.

Основ на постапката е сомневањето дека Трамп, настојувајќи себе си да си обезбеди реизбор, од претседателот на Украина барал да ги истражи тамошните активности на синот на неговиот политички ривал Џо Бајден кој во времето кога Бајден бил потпретседател на САД наводно бил привилигиран во бизнисот со Украина, пренесоа странски новински агенции.

Таа постапка на Трамп, Пелоси на состанокот одржан претходно вечерта, го нарекла „издавање на државни интереси на САД“ и „издавање на изборите“ за претседател.

Трамп во последните денови тврдеше дека не направил ништо лошо и најавил дека ќе објави транскрипти од телефонскиот разговор со претседателот на Украина Володимир Зеленски.

Меѓутоа, шефицата на Демократите во Претставничкиот дом на Конгресот на САД синоќа рекла дека „постапките и досега го кршеле Уставот ... и тој мора да одговара“ и додала дека „никој не е над законите“.

-Денес најавувам дека Претставничкиот дом покренува официјална истрага во постапката на смена (импичмент) - рекла таа.

На тоа Трамп синоќа одговорил со „твит“ од ОН во Њујорк дека неговите тамошни контакти со странски лидери „Демократите намерно мора да ги уриваат и понижуваат со своето ѓубре од вести за лов на вештерки. Тоа е така лошо за нашата земја“.

Покренатата постапка веројатно нема да доведе до смена на американскиот претседател бидејќи тој ужива поддршка од републиското мнозинство во Сенатот.