Добивај вести на Viber
Со прилив на странски инвестиции од 44,7 милиони евра во декември, 2012 та година заврши со вкупно салдо на директни инвестиции од 104,8 милиони евра.
Според најновите податоци што ги објави Народната банка, вредноста на вкупните странски инвестиции во 2012 та е на најниско ниво во последните осум години. Трендот на движење на инвестициите укажува на тоа дека лани, во четири месеци е регистриран одлив на странски капитал, при што само во април имало одлив од 40 милиони евра а во сепетември речси 34 милиони евра.
Нивото на странски директни инвестиции од нецели 105 милиони евра, во споредба со годините претходно, е едно од најниските. Пониско салдо од ланското е измерено во 2005 та година кога странските инвестиции изнесувале 77,2 милиони евра. Вредноста на инвестициите во 2012 та година е пониска и од салдото во кризните 2009 та и 2010 та година.