ДДВ ќе се плаќа седум дена по поднесување на пријавата

Добивај вести на Viber

Ќе биде дозволено одложено плаќање на ДДВ, седум дена по поднесување на ДДВ пријавата, без камата. Ова рече денеска премиерот Зоран Заев се прави за да се олеснат финансиските обврски на компаниите.

Во периодот на имплементација на четвртиот пакет ќе се активира и мерката државна кредитна гаранција. Еве и друг дел од усвоените мерки од четвртипт пакет антикризни мерки

Со оваа мерка државата става на располагање 10 милиони евра финансиски средства за поддршка на компаниите за полесен пристап до евтини финансиски средства, преку преземање на дел од кредитниот ризик. Со државната гаранција од 10 милиони евра на стопанството ќе му бидат на располагање кредити со вредност од 65 милиони евра.

Со 3 милиони државна гаранција за обезбедување на царинскиот долг се поддржува извозот и увозот и се олеснуваме пристапот на суровини за преработка на македонските компании во износ од околу 25 милиони евра, преку Развојната банка на Северна Македонија.

Како уште една мерка за олеснување на работењето на компаниите е дополнително одложување на отплата на кредити за компании, до крајот на годината.

Во овој пакет се продолжува мерката за намалување на казнената камата за јавни давачки за половина од 0,03% на 0,015% до крајот на годината.

„Една од мерките која наиде на одобрување и ја прифатија многу компании беше и мерката - Одложување на плаќање на аконтација на данокот на добивка. Заради тоа ја вклучивме и во овој сет мерки и таа предвидува одложување на плаќањето на аконтациите на данокот на добивка до март 2021 година за компании кои имаат пад на приходи поголем од 40, проценти, рече Заев.

Се продолжува и мерката за ослободување на ДДВ за донации од јавен карактер, за уште 12 месеци.  Една од новите мерки е - Намалување на стапката за ДДВ за ресторански услуги и служење на храна и пијалаци, со која овие услуги ќе се даночат со нова повластена стапка на ДДВ од 10 отсто наместо сегашната редовна стапка од 18 проценти.