Ангеловска се откажа од платата, данокот на добивка ќе чека, затезната камата се преполовува
Објавено во: Финансии 18 Март, 2020
Фирмите ќе бидат ослободен од плаќање аконтации за данокот на добивка во периодот од следните три месеци, оносно за тримесечието април, мај и јуни.
Мерката ја соопшти министерката за финансии Нина Ангеловска, која рече дека е тешко да се предвидат последиците од коронавирусот.
Таа рече дека мерката ќе важи за следните три месеци, април, мај и јуни.
Ќе важи за погодените компании, услов е да не исплатиле дивиденда во 2020, да не исплатиле бонуси и годишни и награди, и да не ги намалат работните места. Ова е во насока на заштита на ликвидноста на реалниот сектор.
Дел од барањата на коморите биле и намалување на каматите и парафискалните давачки. Законската затезна камата ќе се намали за половина, од 10 на 5 проценти, кон правни лица, и од 8 на 4 отсто ако се работи за физичко лице. Ќе се намали и казнената камата за јавни давачки, соопшти Ангеловска. На провајдерите за одржување на фискалните каси ќе им се дадат препораки за половина да ги намалат цените.
„Сите држави се погодени, сите се справуваат со предизвикот. Треба да делуваме со внимателност, ако така не направиме, ефектите можат да бидат драматичи. Од оваа криза нема предвидлива траекторија. Се подготвуваме и за најлошите сценарија. Ова е специфичен удар од нееконосмки карактер“, рече Ангеловска.
Според првата финансиерка, Буџетот сега е стабилен, но тоа може да се смени многу брзо ако потрае состојбата. Просторот фискален за делување не е неограничен.
„Буџетот на МЗ може да одговори на кризата“, рече Ангеловска.
Профитот не смее да дојде пред луѓето, апелираше министерката. Потребна за фирмите е адаптибилност. Бројни компании веќе се реорганизираат и ги менуваат работните процедури. Некои од угостителите воведуваат други начини на достава на храна. Некои ќе затворат, а на некои ќе им се зголеми бизнисот.
Најголемиот шок се очекува во вториот квартал, третиот опоравување, за четвртиот да дојдеме до стабилизација.
Министерката побара фирмите на кои добро им оди, порано да ги уплатат аконтаците.
Ангеловска соопшти дека во овој период се откажува од својата плата.
Н.Н.Ф.