Даниел Митов од ГЕРБ е кандидат за премиер на Бугарија - Радев денеска ќе му го врачи мандатот
Објавено во: Балкан 20 Април, 2021
Бугарскиот претседател Румен Радев денеска ќе му го врачи мандатот за состав на нова влада на Даниел Митов, кандидат за премиер номиниран од ГЕРБ – најголемата парламентарна група во Собранието. ГЕРБ има 75 пратеници, далеку под потребните 121 глас.
На средбите не присуствуваа двајца лидери на политички партии – Бојко Борисов, премиер во оставка и Слави Трифонов од „Има таков народ“ кој е во изолација поради коронавирус. Борисов во моментот е хоспитализиран поради хируршка интервенција на коленото.
Според него, важно е за државата да има стабилна Влада.
Тој го претстави составот на кабинетот предложен од коалицијата ГЕРБ-УДФ.
„Го предложив Дани Митов за премиер за да може да се водат разговори со сите. Одлучив дека е мирно, работно опкружување, без иритација ... Само мир и тишина. Важно е за државата да има стабилна влада“, рече Борисов.