Дали Заев ќе може да разреши функционери на ДУИ?
Објавено во: Македонија 22 Мај, 2019
Штом ќе ги донесам одлуките ќе ги соопштам, немам намера да лицитирам со имиња, изјави премиерот Зоран Заев коментирајќи ја изјавата на Артан Груби од ДУИ, кој претходно денеска порача дека ветингот на ДУИ нема врска со „метлата“ на Заев.
Вели дека сите коалициони партнери имаат право да даваат коментари.
„Ваквата рашомонијада од изјави која можеме да ја слушнеме од одредени високи функционери на ДУИ на крајот ќе биде поткрепена, па ќе видиме која е таа вистина за која зборуваме. Кога ќе ги дадам предлозите за промени во парламентот, Груби заедно со нивната пратеничка група ќе може да се изјасни. Затоа имав средба со лидерот на ДУИ Али Ахмети, за да знаат кој чекори ќе ги превземам, а во партијата да си ги разгледаат кои одлуки ќе ги донесат“, изјави Заев.
Заев не сакаше да каже дали актуелниот министер за екологија, Садула Дураку, ќе биде прв министер во новото Министерство за политички систем и односи меѓу заедниците.
За тоа дали Заев може да разреши функционери на ДУИ, рече дека треба да почекаме неколку дена и да видиме.