17 Јануари, 2022
0.0204

Дали е изводливо во чевларството и текстилот минималецот да се зголеми на 18.000 денари?

Објавено во: Економија 26 Октомври, 2021

Од чевларскиот и текстилниот сектор, реагираат по најавата на премиерот Зоран Заев дека од 1 јануари минималецот ќе се зголеми на 18.000 денари, и велат дека тоа не е изводливо, односно ќе доведе до отпуштање на работници или затворање на фирми.

И од двата сектори, велат дека беа погодени од корона кризата, чекаат закрепнување на економијата и враќање во нормала. Лидија Милановска, претседателка на Здружението на чевлари Куманово вели  дека ако за некој месец минималецот скокне на 18.000 денари, многу работници ќе останат без работа.

„Нашите работници се задолжени со кредити, и ако останат без работа ќе нема од што да живеат. Некој треба да мисли и за тие луѓе. Кај мене и сега има работници кои земаат по 18.000, 19.000 денари, но на тој што зема 15.000 јас не можам да му дадам 18.000 денари. Покачување може да има, ама ако се осмисли како да биде субвенционирано. Ние не можеме да се опоравиме од корона кризата и постојано имаме по неколку работници кои отсуствуваат од работа поради вирусот“, вели Милановска.

Мирјана Перковска од Текстилниот кластер објаснува дека репроматеријалите се поскапени, струјата поскапе, продуктивноста е ниска, а со автоматизацијата бавно напредуваат, така што целокупниот амбиент не дозволува зголемување на минималната плата.

„Ако се носат некои мерки за секторот, за тоа треба да има дискуција, и секоја одлука да добие „амин“ од бизнис заедницата. Со зголемување на нето платата се зголемува и бруто платата. Тоа се најмалку 50 евра плус по работник месечно“, рече Перковска.

Се смета дека и во трговијата ќе биде тешко да се исплаќа минималец од 18.000 денари. Од текстилниот сектор велат дека и претходно кога се покачувал минималецот, дел од фирмите се соочиле со проблеми во работењето.  Заев вети дека минималната плата ќе скокне на 18.000, а просечната на 30.000 денари. Македонија е меѓу земјите со најниски плати во регионот, а трошоците за живот пораснаа и по Нова година можно е да имаме нови поскапувања. Инаку, во овие сектори, откако почна пандемијата имаше отпуштања во неколку наврати.

Сања Атанасовска

Можеби ќе ве интересира

ЕСМ СЛЕДНАТА НЕДЕЛА ОФИЦИЈАЛНО ЌЕ ГО ПРЕЗЕМЕ УПРАВУВАЊЕТО СО БЕГ ДО ЗАВРШУВАЊЕТО НА КРИЗАТА: ЕСМ потпиша договор со ТЕ-ТО

ЕСМ СЛЕДНАТА НЕДЕЛА ОФИЦИЈАЛНО ЌЕ ГО ПРЕЗЕМЕ УПРАВУВАЊЕТО СО БЕГ ДО ЗАВРШУВАЊЕТО НА КРИЗАТА: ЕСМ потпиша договор со ТЕ-ТО

АКО ЕВТИНАТА ТАРИФА НЕ ЈА УКИНЕТЕ ТОГАШ ПОВЕЌЕ ЌЕ ЈА ПОКАЧИТЕ ЦЕНАТА НА СТРУЈАТА: Анѓушев тврди дека цената на електричната енергија ќе се стабилизира

АКО ЕВТИНАТА ТАРИФА НЕ ЈА УКИНЕТЕ ТОГАШ ПОВЕЌЕ ЌЕ ЈА ПОКАЧИТЕ ЦЕНАТА НА СТРУЈАТА: Анѓушев тврди дека цената на електричната енергија ќе се стабилизира

Владата донесе Уредба за прогласување кризна состојба

Владата донесе Уредба за прогласување кризна состојба

Бислимовски тврди дека ќе се подобри квалитетот на испораката на топлинската енергија

Бислимовски тврди дека ќе се подобри квалитетот на испораката на топлинската енергија

Решение има, радијаторите ќе останат топли

Решение има, радијаторите ќе останат топли

БЕГ: Се решава проблемот и се надеваме на позитивен исход и непрекинато снабдување со топлинска енергија

БЕГ: Се решава проблемот и се надеваме на позитивен исход и непрекинато снабдување со топлинска енергија

Во една од европските земји секој четврти угостител останал без работа поради пандемијата

Во една од европските земји секој четврти угостител останал без работа поради пандемијата

ДУРИ 60.000 ДОМАЌИНСТВА СЕ ВО ГРЧ - уште нема решение за парното

ДУРИ 60.000 ДОМАЌИНСТВА СЕ ВО ГРЧ - уште нема решение за парното

Во кој дел на Германија работниците земаат повисоки плати?

Во кој дел на Германија работниците земаат повисоки плати?