06 Јуни, 2020
0.0198

Д-р Симеонов ја спаси малата Анастасија, на 15-месечна возраст ѝ беше изваден тумор од 2 килограми

Објавено во: Стил 28 Октомври, 2019

Родителите се подготвени да направат сè за своите деца. Прво се обидуваат самите да им помогнат, но кога не можат да најдат решение, бараат помош од докторите. Понекогаш не сите доктори можат да помогнат, па тогаш родителите ги бараат најдобрите. Оние кои се стручни и искусни и кои ќе им понудат решение. Таков бил и случајот со шеснаесетмесечната Анастасија, на која на 7-месечна возраст ѝ бил дијагностициран тумор во стомакот. Стомакот почнал да се зголемува, а дишењето станувало сè потешко и потешко. Малото бебе често повраќало и барало постојано да биде во рацете на мама и тато. Само така успевала да се смири за момент, сè дури не започнела следната епизода на болка.


Малото и кревко бебе било оперирано веднаш по дијагнозата и ѝ бил отстранет туморот. Но проблемите не завршиле тука. Дел од туморот останал во стомакот и продолжил да прави дополнителни проблеми. По 4 хемотерапии, туморот почнал повторно да расте, а докторите кренале раце од Анастасија. Избезумените родители биле подготвени да направат сè за своето чедо. Барале спас секаде. За нивна среќа, велат, судбината ги довела кај д-р Ристо Симеонов во Клиничката болница „Аџибадем Систина“.

„Д-р Симеонов ги виде резултатите  и прифати заедно да ја водиме битката. По првите моменти на страв и агонија, решивме да почнеме тешка битка. Поминавме низ многу тежок пат досега, но пресреќни сме што Анастасија повторно се смее. Од мирно и повлечено бебе, кое постојано плачеше, сега ја имаме најнасмеаната и најтемпераментна ќерка. Порадосно дете од неа нема! Досега ја немаме видено таква. Сите сме пресреќни. Д-р Симеонов ни даде надеж и утеха, а тоа што го кажа се исполни. Ваков доктор би посакал секој родител, искусен, професионален и достапен за загрижените родители 24/7“ – изјавија Катица и Ристе Ризови од Валандово.


Д-р Ристо Симеонов, детски хирург, објаснува дека станува збор за редок и сериозен тип на тумор и неопходно е да се изведе операција со која целосно ќе се отстрани туморот.

„Во претходната операција не беше отстранет целиот тумор и тој продолжил да расте многу интензивно. Од малото кревко тело на пациентчето извадив два килограми туморска маса. Туморот притискаше на дијафрагмата и вена кава, а Анастасија имаше отежнато дишење, и ако не се направеше интервенцијата веднаш, исходот ќе беше летален. Кај овој тип малигнен тумор нема потреба од хемотерапија ако се направи целосно отстранување. Туморот правеше голем притисок во левиот бубрег и слезинката, и бидејќи беа зафатени и овие делови, мораше да се отстранат и тие. Препораките се редовни контроли со ехо. По еден месец од интервенцијата ехонаодот е уреден, а девојчето продолжи со нормален живот. Овие тумори се ретки и многу ризични бидејќи ако има потреба од хемотерапија, колку што е сериозна операцијата, толку е сериозна и хемотерапијата. Туморот треба добро да реагира на хемотерапијата, а и детето добро да ја поднесе истата“ – објасни д-р Симеонов.


Можеби ќе ве интересира

Д-р Огњен Даскалов: Бидете сигурни дека правите естетски зафат поради себе, а не за околината

Д-р Огњен Даскалов: Бидете сигурни дека правите естетски зафат поради себе, а не за околината

ТУРУНЏИЕВА ЌЕ ВЕ НАСМЕЕ: Короната пуста да остане

ТУРУНЏИЕВА ЌЕ ВЕ НАСМЕЕ: Короната пуста да остане

Чек да брцнам во ташнава: Кришум лаги

Чек да брцнам во ташнава: Кришум лаги

Теона Стругар Митевска: Човекот се адаптира на секоја ситуација и тоа ме инспирира во новиот филм

Теона Стругар Митевска: Човекот се адаптира на секоја ситуација и тоа ме инспирира во новиот филм

Се подбиваа со мене и ме пцуеа, но одам напред со главата горе: Љубовната приказна на Паула Купер Трајковски

Се подбиваа со мене и ме пцуеа, но одам напред со главата горе: Љубовната приказна на Паула Купер Трајковски

Листата со резултати почнав да ја читам одоздола нагоре: Интервју со Илијана, добитник на стипендијата „Борис Трајковски“

Листата со резултати почнав да ја читам одоздола нагоре: Интервју со Илијана, добитник на стипендијата „Борис Трајковски“

За квалитетот се лепат и спонзори: Лозаноски по терк на светските ѕвезди

За квалитетот се лепат и спонзори: Лозаноски по терк на светските ѕвезди

Илина Арсова: Да знаев дека олку популарен се станувало со вљубување во јавна личност, не ќе се мачев толку со планините

Илина Арсова: Да знаев дека олку популарен се станувало со вљубување во јавна личност, не ќе се мачев толку со планините

Ален Исламовиќ, пејачот на „Бјело дугме“: Коронавирусот кај нас трае три години, ама не е до пандемијата

Ален Исламовиќ, пејачот на „Бјело дугме“: Коронавирусот кај нас трае три години, ама не е до пандемијата