04 Август, 2020
0.0505

ЦЈЗ ШТИП: Повеќе од 50 позитивни од пет конфекции, тешко ситуацијата да се стави под контрола

Објавено во: Македонија 13 Јули, 2020

Повеќе од 50 вработени во пет штипски конфекции се позитивни на корона вирусот. Постои нова опасност Ковид-19 да се рашири меѓу работниците, бидејќи станува збор за околу 1000 луѓе од петте фабрики.

Директорката на центарот за јавно здравје на Штип, д-р. Марија Димитрова вели дека ситуацијата во градот тешко може да се стави под контрола, особено поради фактот, како што вели, ретко кој ги почитува мерките.

-Во последнава недела имаме заразени работници од пет конфекциски фабрики. Нивниот број надминува 50. Денеска во градот, вкупниот број на новозаразени, само од податоците од Институтот за јавно здравје е 9, но чекаме резултати од уште неколку лаборатории. Јас како микробилог сметам дека тоа е навистина многу. Но, морам да признаам дека сум страшно разочарана. Ретки се оние граѓани во Штип што ги почитуваат мерките, пред се носењето маска и социјалното растојание. Не знам на кого веќе зборуваме, едноставно не слушаат, не внимаваат, вели д-р. Димитрова.

Директорката на штипскиот ЦЈЗ, д-р. Димитрова вели дека нема да има масовен скрининг, иако станува збор за околу 1000 вработени во фабриките. Појаснува дека и контактите на позитивните ги идентификуваат и ги ставаат во изолација, но повторува дека вирусот е раширен насекаде.

Освен тоа, како што вели и болничките капацитети во Штип се полни, и иако станува збор за полесни случаи, сепак, состојбата треба да се сфати многу сериозно.

-Во договор со сопствениците на фабриките, прво бараме да се почитуваат безбедносните мерки и протоколите, но дел од нив и сами одлучуваат извесен период да ги затворат конфекциите. Сега позитивните случаи се од Ф-Моде, повторно од Т-Стајл, која беше првиот кластер и од уште неколку други. Вработените на работно место може и ги почитуваат мерките, но по завршување на работното време нема ништо од тоа. Си одат на гости, се дружат, не носат маски, се групираат, тоа е основниот проблем. Кога им се прави епидемиолошка анкета, даваат податоци во просек за 15 други луѓе, вели д-р. Димитрова за Фактор.

Инаку, во болницата во Штип има 53 хоспитализирани пациенти, од кои неколку се со потешка клиничка слика.

А.Б.


Можеби ќе ве интересира

АПАСИЕВ ПАК БРАНУВА: Бравата ќе ја смениме, чим им влеговме, нема излегување

АПАСИЕВ ПАК БРАНУВА: Бравата ќе ја смениме, чим им влеговме, нема излегување

ХУМАНОСТ: Вработените во Иутекредит даруваа крв

ХУМАНОСТ: Вработените во Иутекредит даруваа крв

(ФОТО) НЕКОИ ЗА ПРВ ПАТ СТАПНАА ВО СОБРАНИЕТО, ДРУГИ СЕ ОДОМАЌИНЕТИ, ТРЕТИ ЌЕ БИДАТ МИНИСТРИ - пратениците влегоа во Парламентот

(ФОТО) НЕКОИ ЗА ПРВ ПАТ СТАПНАА ВО СОБРАНИЕТО, ДРУГИ СЕ ОДОМАЌИНЕТИ, ТРЕТИ ЌЕ БИДАТ МИНИСТРИ - пратениците влегоа во Парламентот

КОИ ЌЕ БИДАТ НОВИТЕ МИНИСТРИ - почнуваат преговорите за пополнување на Илинденска

КОИ ЌЕ БИДАТ НОВИТЕ МИНИСТРИ - почнуваат преговорите за пополнување на Илинденска

ОД ДЕНЕСКА ПА ВО СЛЕДНИТЕ ТРИ ДЕНА - исплата на социјална и детска заштита

ОД ДЕНЕСКА ПА ВО СЛЕДНИТЕ ТРИ ДЕНА - исплата на социјална и детска заштита

ВО СОБРАНИЕ ДЕНЕСКА НЕМА НИ РУЧЕК НИ КАФЕ - мора да се почитуваат мерките за заштита

ВО СОБРАНИЕ ДЕНЕСКА НЕМА НИ РУЧЕК НИ КАФЕ - мора да се почитуваат мерките за заштита

УСПЕШНИ ТРАНСПЛАНТАЦИИТЕ НА БУБРЕЗИ: Двајцата пациенти закрепнуваат на Клиниката за урологија

УСПЕШНИ ТРАНСПЛАНТАЦИИТЕ НА БУБРЕЗИ: Двајцата пациенти закрепнуваат на Клиниката за урологија

Денеска продолжува потрагата по 16 годишното момче

Денеска продолжува потрагата по 16 годишното момче

Време е за големи попусти, време е за чистка: Дали сте подготвени за Garage Sale?

Време е за големи попусти, време е за чистка: Дали сте подготвени за Garage Sale?