Чомбе од скопската ЗОО на кафе со повторно слободниот Панки
Објавено во: Македонија 04 Декември, 2019
Директорот на Зоолошка градина Скопје, Ѓорѓи Галетановски, со една заедничка фотографија со Сашо Каимовски-Панки на социјалните мрежи индиректно објави дека пејачот од дуото „Куку Леле“ е на слобода, при што повеќе медиуми објавија дека тој не е повеќе зад решетки.
Панки кој другарува со популарниот Чомбе пред повеќе од половина година беше уапсен на граничниот премин Евзони при обид за влез во Грција, наводно поради европска потерница распишана пред 13 години од страна на германските власти, за учество во мрежа која крадела податоци од банкомати.
Каимовски веќе еднаш беше приведен во големата акција наречена „Банкомат“ во 2008 заедно со други лица но случајот беше нерасчистен.