Царовска не дава три пати поголема социјална помош за седење дома
Објавено во: Економија 18 Април, 2019
Мила Царовска, министерката за труд и социјална политика, денеска од Штип порача дека кога трикратно ќе се зголеми социјалната помош со новото законско решение, тие во меѓувреме ќе треба да работат општествено-корисни и јавни работи, односно да бидат активни на пазарот на труд и и да се квалификуваат.
Царовска најави дека законското решение ќе се донесе по изборите, а работоспособните социјални случаи ќе мора да се вклучат во активните мерки.
„Едната е во сферата на општествено корисната работа, а другата е доквалификација и едукација за специфични професии“ рече Царовска.
Таа смета дека со квалификувањето на социјално-загрозените ќе се пополнат оние неколку илјади сободни работни места кои ги бара пазарот на труд, односно работодавачите.
Според Царовска, на тој начин ќе се подобри општата економска слика на Македонија.