Бујар Османи: Го посетив семејството на Хаки Азири, откако ме погоди нивното писмо
Објавено во: Македонија 21 Февруари, 2020
Бујар Османи, вицепремиерот за евроинтеграции, денеска како сведок во случајот „Монструм“ рече дека го посетил семејството на обвинетиот Хаки Азири, но не за да интервенира политички по петкратното убиство на Смилковско езеро, туку да му објасни на неговото семејство дека нема информации каде бил исчезнат во тој период. Османи рече дека му одговорил на семејството откако тие испратиле писмо до него.
– Родителите на Хаки пратиле писмо јас да кажам каде им е синот. Тоа ме погоди. По настанот и акцијата имаше свикано претседателство во партијата и се донесоа одредени ставови, кои јас требаше да ги пренесам во јавноста. Во интервју на национална телевизија, требаше да ги кажам ставовите. Истиот ден или наредниот, на национална телевизија, додека бев во операциона сала, имаше писмо од еден од обвинетите, Хаки Азири, во кое стоеше „Нека каже Бујар Османи каде е мојот син?“. Ми беше важно да кажам дека не знам каде е. Преку луѓе кои се соседи, побарав да се сретнам со нив за да им ги пренесам ставовите – рече Османи.
Второто судење за случајот „Монструм“ тој го оцени како транспарентно и надвор од политички влијанија. Османи своевремено беше портпарол на ДУИ кога се случи овој немил настан.
Следното рочиште продолжува на 27 февруари, а како сведоци се поканети Сашо Мијалков, поранешниот шеф на УБК и високи поранешни функционери на ДУИ како Муса Џафери и Блерим Беџети, порашен министер за правда.