Бугарската Влада со поддршка за Македонија, но се бара откажување од македонското малцинство

Добивај вести на Viber

Бугарската влада ја усвои одлуката со која се поддржува Македонија да добие датум за преговори со ЕУ, но и ги постави црвените линии  за преговорите со Европската Унија кои се очекува да започнат од 2020.

Македонија треба да прифати дека не постои македонско малцинство во Бугарија, да го промени учебниот материјал по географија и историја и да се реши прашањето за Гоце Делчев и останатите револуционери од илинденскиот период во најкраток рок.

“Исто така, треба да почне процес на рехабилитација на жртвите на југословенскиот комунистички режим, репресирани поради бугарското самосознание. Треба да ги отстрани и натписите на споменици, плакети и на згради, кои шират отворена омраза кон Бугарија”, се вели во документот кој излезе вп јавност.

Во однос на јазикот, се бара да се користи фразата „Официјален јазик на Република Северна Македонија“, а при неопходна потреба од користење на терминот „Македонски јазик“ во документи и позиции на Европската Унија со фуснота секогаш да се појаснува „Согласно уставот на Република Северна Македонија“. 

„Ниту еден документ/изјава во процесот на зачленување во ЕУ не може да се смета како признавање од бугарска страна на постоењето на таканаречениот „македонски јазик“ одвоен од бугарскиот“ пишува во документ, кој денеска го усвои бугарската влада. 

Бугарија позитивно се изјасни и за старт на преговорите на ЕУ со Албанија, бидејќи смета оти раздвојувањето на Скопје и на Тирана, како што предлага Германија, би било грешка и може да доведе до нестабилност во регионот.