Бугарите организираат тура во Србија, а српските историчари велат дека тоа е провокација и величење на злосторства
Објавено во: Балкан 01 Јули, 2022
Бугарско здружение организира тура по јужна Србија, а за српските историчари тоа е величање на злосторствата на бугарската војска.
На плакатот со кој ја најавува акцијата на бугарската организација, меѓу другото се споменува месната заедница „Зора“ од Ќустендил, како и клубот „Полковник Христо Стојанов“. Тие ги посетуваат Власина, Сурдулица, Лесковац, Ниш, Прокупље и планината Јастребац.
„Патека на 41. пешадиски полк – март 1917 година – Чистење на Јастребац од разбојници“ – под ова име бугарската невладина организација „Воено-историски комитет“ вчера и денеска организира тура на југот на Србија. На ова реагираат српски историчари, кои потегот го гледаат како провокација, екстремистички изблик и промовирање на масовните злосторства врз српското население за време на бугарската окупација и Топличкото востание од 1917 година. Тие сметаат дека државата Србија треба да го санкционира тоа“, пишува порталот Јужне вести.
Дејан Антиќ од Катедрата за историја на Филозофскиот факултет во Ниш е убеден дека целта на таа кампања е да се промовира и велича бугарската војска, која во периодот од 1915 до 1918 година извршила масовни злосторства врз српските цивили во Топлица, Јабланица, Пуста Река, Врање и Сурдулица. Тој вели дека не случајно организаторите го избрале 30 јуни за ваква манифестација, затоа што тоа е датумот на кој се случила Брегалничката битка.
Фото: juznevesti.rs