Бугарија ќе каже „не“ на почнувањето на првата меѓувладина конференција со Македонија, пишува Политико
Објавено во: Македонија 21 Октомври, 2020
Бугарија го информира Брисел дека во Македонија се води „антибугарска идеологија“.
Дипломатите брифираат дека се очекува Бугарија да каже „не“ на почнувањето на првата меѓувладина конференција со Македонија.
Во документот дистрибуиран од Софија до владите на ЕУ, виден од новинар на Политико, Бугарија вели дека она што се случува во Македонија го смета за „антибугарска идеологија спонзорирана од државата“, пишува Политико.
„Нема да навлегуваме во деталите за бугарската чувствителност, кои се базираат на аргумент за тоа кој бил подобар во борбата против Отоманската империја пред повеќе од еден век. Штета за Северна Македонија! Се откажаа од името на нивната земја за да ги смират Грците и сега се очекува нивната историја да биде подложена на одобрување од Бугарија. И сето тоа, имајте предвид, за нејасна можност за евентуално влегување во ЕУ, имајте предвид“, пишува „Политико“.
Германија сака Македонија да ги почне преговорите, а бугарската страна веќе кажа дека имале притисок од Германија.
Во Скопје, тие се обидуваат да се вратат 1.000 години наназад за да и дадат легитимитет на теоријата за Коминтерна и по 1944 година за Титова Југославија, вели бугарскиот министер за одбрана, Красимир Каракачанов во интевјуто за „Дарик радио“.
Ваквата изјава на Каракачанов доаѓа на само неколку недели пред средбата Борисов-Заев по која ќе биде многу појасно дали Софија ќе биде пречка за почеток на преговороте најавени за крајот на годината.
Министерката за одбрана Радмила Шеќеринска кажа дека поминало времето кога во регионот ваквите провокации се сметале за сериозни. Вели дека ова не е начин на кој комуницираат две земји членки на НАТО.