Бразил ќе прифати помош од странство за пожарите, но под еден услов
Објавено во: Свет 28 Август, 2019
Бразил ќе прифати помош за гаснење на пожарите во Амазонија.
Бразилскиот претседател, Жаир Болсонаро, е отворен за добивање странска помош поради големите пожари во Амазон.
Тој ова го прифаќа само ако неговата земја ги контролира тие пари.
Властите би прифатиле финансиска поддршка од организации или држави.
„Суштинска поента е дека овие пари, по влегувањето во Бразил, се под контрола на бразилскиот народ“, изјави портпаролот Отавио Рего Барос, пренесе новинската агенција АФП.
Болсонаро вчера ја отфрли понудата на Г7 за 20 милиони американски долари за борба против пожарите во Бразил и Боливија, одговарајќи му на францускиот претседател Емануел Макрон „да се грижи за неговиот дом и за неговите колонии“.
Американскиот претседател, Доналд Трамп, вети целосна поддршка за бразилскиот претседател Жаир Болсонаро, кој е во вербална војна со францускиот претседател Емануел Макрон.
Трамп рекол дека Болсонаро напорно работи за гаснењето на пожарите во Амазонија.
Болсонаро му се заблагодари на Трамп на поддршката.Групата 7 вети 22 милиона долари помош во борбата против пожарите во Амазонија и за заштита на прашумите, со дополнителни 12 милиони долари од Велика Британија и 11 милиони долари од Канада.
Но, Болсонаро рече дека ќе ја прифати помошта само ако Макрон ги повлече навредливите кометари, кои овие денови ги изнесе на сметка на бразилскиот претседател. Макрон претходно упати остра порака до Болсонаро по повод пожарите што пустошат низ Амазонија.
Прашумите во Амазонија се прашање што се однесува на целата планета, рече Макрон.
фото ЕПА