Бранимир Јовановиќ го пофали ВМРО-ДПМНЕ: Добро е што не креваат паника
Објавено во: Економија 30 Март, 2020
Бранимир Јовановиќ, екс-советникот на поранешниот министер за финансии Драган Тевдовски, го пофали ВМРО-ДПМН и другите опозициски партии за време на време на економската криза во одредени дејности како резултат на корона вирусот.
Финансискиот експерт е задоволен од тоа што најголемата опозициска партија не крева паника во јавноста и со тоа не дозволува да се наруши финансискиот систем на земјата.
- Морам да кажам дека ВМРО-ДПМНЕ и другите од опозицијата се однесуваат конструктивно, со тоа што не креваат паника и не ги плашат луѓето да одат во банките и да ги повлекуваат парите. Можеби некои медиуми блиски до нив делуваат повеќе панично, но тоа е во рамките на дозволеното, рече Јовановиќ вечерва во „Топ Тема“ на ТВ Телма.