Голема победа на Борис Џонсон и Ториевците на изборите во Британија
Објавено во: Свет 13 Декември, 2019
Борис Џонсон и Ториевците се надминаа себе си и на вчерашните парламентарни избори во Британија освоија, според проекцијата, 368 пратенички места, што е обезбедено мнозинство, а Островот е се поблиску до Брегзит по убедливата победа на конзервативците.
Тоа е 43 пратенички места повеќе од потребното за да се владее без коалиционен партнер.
Од друга страна, Џереми Корбин и Лабуристите го остварија најслабиот резултат во поновата историја со само 191 пратеничко место.
Тоа значи дека опозицијата губи повеќе од 70 места во однос на претходните избори кои се одржаа во 2017.