Боки 13 нуди куќа и дуќан за 150.000 евра за да излезе од Шутка
Објавено во: Македонија 28 Февруари, 2020
Гаранација вредна околу 143 илјади евра нуди обвинетиот во случајот „Рекет“, Бојан Јовановски за да излезе од притвор. Одбраната соопшти денеска дека гаранцијата која е понудена пред Апелацискиот суд е една куќа која вреди околу 102.000 евра и деловен простор со вредност од 40.000 евра. Куќата била во сопственост на негов прв братучед, додека дуќанот е на име на неговата мајка Јасминка Јовановска.
Денеска Апелациониот суд одлучува по жалбата на Јоановски за притворот, а седницата е јавна. Боки 13 и порано бараше да излезе од притвор, ама ова е прв пат да нуди материјална гаранција. Тврдеше дека не е здравствено добар и дека нема намера да бега за да ја докаже својата невиност.
Неговиот адвокат Сашо Дуковски и денеска потенцираше дека неговата здравствена соостојба е лоша.