Бочварски: Уште една текстилна работничка заболена, 250 одат на годишен одмор
Објавено во: Македонија 03 Јуни, 2020
Благој Бочварски, градоначалникот на Штип, денеска по средбата со вицепремиерот Бујар Османи, објави дека уште една текстилна работничка во градот е позитивна на тестот за Ковид-19 и дека во меќувреме е затворена уште еден голем конфекциски капацитет со што бројката е официјално шест фабрики кои не работат.
- Оваа конфекција има околу 250 вработени, ќе бидат ставени на тестирање, мора а задолжително да бидат во домашна изолација. На годишен одмор се пуштени по разговорот со сопственикот на конфекцијата. Ќе има влијание на локалниот развој, но силно може да ја погоди економијата и самиот вирус. Разговаравме со сопствениците,. подобро е една недела да бидат дома на домор. Сите вработени во текстилните фабрики да соработуваат со здравствените работници и да дозволат да се тестираат, рече Бочварски.
Градоначалникот потврди дека тестирањето ќе продолжи и во петок и покрај тоа што на истиот ден е верскиот празник Духовден.