БЛОКИРАНИ ПРЕМИНИ И ТЕНЗИИ: Вучиќ прашува дали Бриселскиот договор се уште важи?

Добивај вести на Viber

Сè уште се блокирани граничните премини меѓу Косово и Србија, а српскиот претседател Александар Вучиќ бара повлекување на Приштина. 

Србија бара повлекување на косовската полиција од северот на Косово, изјави Вучиќ по седницата на Советот за национална безбедност. 

„Ситуацијата да се врати на претходните страни, а потоа да отидеме во Брисел да разговараме за се и ако е можно да се договориме“, рече Вучиќ. 

За официјална Приштина, оваа одлука е потег на реципроцитет, бидејќи српските власти ја користат истата пракса при влегување на косовски автомобили во Србија. За српскиот претседател, одлуката на косовското собрание е директно кршење на одредбите од Бриселскиот договор. 

Во согласност со Бриселскиот договор за слобода помеѓу Србија и Косово, српските регистарски таблички со ознаки на градовите во Косово беа укинати и истите треба да се пререгистрираат со ознака КС или РКС. Но, во неколку општини на северот на Косово каде живее мнозинско српско население се уште граѓаните возат автомобили со таблички издадени од Република Србија.

Амбасадорите на Соединетите Американски Држави, Франција, Германија, Италија и Обединетото Кралство во Косово се сретнаа денеска со прмиерот Албин Курти, во врска со напнатата ситуација на границата со Србија, јави дописникот на МИА од Приштина.

Вчера ЕУ повика на смирување на тензиите.