БИЗАРНА СМРТ: Излегол од возилото, а тоа се вратило наназад и го пригмечило на банкината
Објавено во: Македонија 03 Јуни, 2020
Бизарна смрт на педесет и осумгодишен човек се случила ноќеска на автопатот Свети Николе - Скопје.
Како што соопшти полицијата, пред наплатна рампа тој излегол од своето возило, но тоа се придвижило наназад и го пригмечило на банкината од патот, по што тој починал на лице место.
„На 03.06.2020 во 01.30 часот било пријавено дека на автопатот Св.Николе - Скопје, пред наплатна станица Миладиновци, патничко возило „ауди“, со скопски регистарски ознаки, управувано од Б.К.(58), застанало и Б.К. излегол од возилото. Во еден момент возилото се придвижило наназад и со задниот дел го притиснало Б.К. во банкината на патот, по што починал на местото на незгодата. Извршен бил увид од увидна екипа од СВР Скопје“, се вели во соопштението од Министерството за внатрешни работи.