Биткоинот до крајот на годината оди до 100.000 долари?
Објавено во: Финансии 13 Февруари, 2021
Тесла купи биткоини во вредност од 1,5 милијарди долари, а Брендон Минц, извршен директор на „Биткоин депо“, верува дека ова ќе ги охрабри другите компании да купуваат биткоини.
Тој дури изјави дека може да се очекува биткоинот да достигне цена од дури 100.000 долари оваа година. За Минц, Елон Маск го преместил само првото домино по ред што ќе гп „лансира“ биткоин оваа година, но и понатаму. Инаку откако Тесла ја објави информацијата оваа криптовалута ја зголеми вредноста за 22 отсто за само 24 часа.
Одлуката на Маск да ги „откачи“ готовините и да се сврти кон крипто-валутите сигнализира почеток на трендот - големите компании да додаваат крипто-валути во билансите на состојба, рече Минц. Исто така, извршниот директор на Твитер неодамна изјави дека компанијата размислува да инвестира во криптовалути.
Тој додаде дека очекува биткоинот да се искачи на 100.000 долари до крајот на 2021 година, бидејќи компаниите го купуваат, а исто така и во однос на тоа каде е биткоинот во овој циклус во споредба со претходните.
Тој понатаму го посочи контрастот помеѓу пазарната капитализација на биткоин, кој вреди 837 милијарди долари и пазарната капитализација на златото, што вреди 12 милијарди долари и рече дека очекува пазарната капитализација на биткоинот да достигне „злато“ во следните неколку години.
Тој исто така изјави дека компаниите што купуваат биткоин можат да очекуваат скок на цената на нивните акции, што ќе повлече и други компании.
Сепак, има и такви кои не гледаат наплив на компании кои инвестираат во биткоин. JPMorgan во вторникот објави дека нестабилноста на биткоинот може да спречи некои компании да го купат.
Народната банка на Македонија предупредува дека е рзично да се инвестира во биткоин.Колку ви вредат 100 долари ако во 2009 гоидна сте инвестирале во биткоин