05 Јули, 2020
0.0492

Белопета: Ова што го прави Министерството за култура го нема ни во Африка

Објавено во: Македонија, Интервјуа 13 Март, 2019

Новата распределба на државните пари за годишната програма на Министерството за култура повторно ги вознемири македонските уметници и културни работници. Овој пат доделени се средства за култната манифестација Skopje Jazz Festival, како и за Of-Fest кои се под иста организациска „капа“ на Оливер Белопета. Сега фестивалите добиваат по три милиони денари од институцијата со која раководи министерот Асаф Адеми, но се чини дека тоа не е доволно за продолжување на традицијата. Белопета во разговор за Фактор вели дека вакво водење на постапките за доделување на средства за годишната програма нема никаде на Балканот, а веќе ниту во африканските држави. Конкурсот бил објавен во ноември лани, а дури на почетокот на февруари беа соопштени првичните резултати при што имаше скандалозни одлуки за финансирање на манифестации од „тазе“ формирани организации. Исто така Белопета критикува за долгото спроведување на постапката бидејќи манифестациите веќе се планираат, програмите треба да се затворат и да се направи план, а допрва ќе следува поднесување и одговор на жалби, правење планови и дури потоа склучување на договори за манифестациите. Од Министерството за култура пак велат дека повторното разгледување на пријавите е извршено согласно принципите на професионалност, разновидност и креативност, следејќи го гласот на културните работници и професионалци.

Фактор: Најпрво обвинувавте дека е лага тврдењето на Министерството за култура дека не сте поднеле соодветни документи за конкурсот. Дали по повторената постапка ги поднесовте сите документи и дали сте задоволни од одлуката?

Белопета: Ова е период кога би сакале повеќе да разговараме за програми, но ете во 21 век Министерството за култура функционира како да се наоѓа во Бурунди и практично корисниците дури денеска нешто дознаа со кои средства може да располагаат. Инаку, на првата објава која беше на 8 февруари Џез фестивалот и Оф фест беа изоставени со образложение дека не сме поднеле документи, згора на се имаше груби зборови од министерот дека не сме сакале да поднесеме, дека сме настапувале од позиција на сила, а таква моќ во државата освен политичарите не знам дали ние обичните смртници ја имаме. Од фестивалот реагиравме дека се работи за комплетни невистини, тоа и се докажа бидејќи во меѓувреме во министерството се направи увид и се утврди дека сите документи постојат, најверојатно некој намерно ги криел што е можно кривично дело кај некој член од комисијата. Немаше потреба да доставуваме дополнителни документи.

Фактор: Дали очекувате опаѓање на квалитетот на програмата на Скопски џез фестивал и Оф фест годинава со средствата кои се предвидени?

Белопета:Тоа лошо чуство продолжи и кога ги видовме резултатите од втората објава, каде се вклучени Скопје џез фестивал и Оф фест, но со преполовени средствата за оваа година. Со тие суми не може да се сочува високото меѓународно ниво на манифестациите кои може да се претворат само во локални фестивали. Со овие средства апсолутно немаме волја фестивалот да го уништиме, односно може да се одржат еден или два проштални концерти, и не сакаме ние покрај министерството да учествуваме во рушење на меѓународното ниво на фестивалот. Увидовме и грешки во оценувањето на апликацијата што влијае врз бодовите, а со тоа и на висината на одредената сума, па затоа повторно ќе вложиме жалба. Скопскиот џез фестивал ќе се одржи по 38 пат, а Оф фест годинава по 18 пат, па овие грешки ќе мора да се отстранат.

Фактор: Може ли да "преживее" Скопскиот џез фестивал или Оф фест без државна поддршка, нема ли доволно донатори и покровители кои би биле подготвени да ги поддржат манифестациите?

Белопета:Само еден фестивал во светот кој е поседуван од приватна компанија од САД се финансира од сопствени средства. Секаде во светот, а особено во Европа фестивалите на џез и особено на ворлд музиката се финансираат директно од државата, без оглед дали од националните или регионалните министерства за култура. Сосема јасно, тоа е едноставно правило која музика е комерцијална и како може да се финансира и која музика е некомерцијална и затоа на друг начин не може да се организира ваков вид на фестивал со меѓународно значење.

Х. С. 


(Фото: Petra Cvelbar) 

Можеби ќе ве интересира

За еден ден во две клиники примени 20 нови луѓе: Еве колку се исполнети капацитетите

За еден ден во две клиники примени 20 нови луѓе: Еве колку се исполнети капацитетите

Најмладиот имал 50 години, петмина од починатите се од Скопје

Најмладиот имал 50 години, петмина од починатите се од Скопје

Повторно трицифрен број заболени, починале седум лица

Повторно трицифрен број заболени, починале седум лица

Од куќа во Скопје украдени еден милион евра во повеќе валути

Од куќа во Скопје украдени еден милион евра во повеќе валути

Македонски концепт изработи стратегија за реформа во образовниот систем

Македонски концепт изработи стратегија за реформа во образовниот систем

ФОТО: Во Битола под вода куќи, подруми, гаражи

ФОТО: Во Битола под вода куќи, подруми, гаражи

Петар Богојески од Градски парк: Домаќинлукот по дворот се познава - колку сме во Скопје домаќини по Градски парк се познава

Петар Богојески од Градски парк: Домаќинлукот по дворот се познава - колку сме во Скопје домаќини по Градски парк се познава

Пукање и напад со нож во Батинци – еден мртов, тројца повредени, убиецот во бегство

Пукање и напад со нож во Батинци – еден мртов, тројца повредени, убиецот во бегство

Деветнаесетгодишник од Скопје заклучил Италијанка во стан во Охрид

Деветнаесетгодишник од Скопје заклучил Италијанка во стан во Охрид