БЕЛГРАД: Демонстрантите почнаа да влегуваат во зградата на српското собрание
Објавено во: Балкан, Корона Вирус 10 Јули, 2020
Демонстрантите во Белград вечерва ја пробија заштитната ограда пред објектот и почнаа да влегуваат во зградата на српското собрание.
Четврти ден се протестира во Србија.
Во Белград почна собирот на демонстранти, кои и покрај забраната за собирање на повеќе од 10 лица на јавни места, сепак излегоа на улиците.
Протестите се поради незадоволството од начинот на кој државата се бори против епидемијата на коронавирусот.
Еден од учесниците беше уапсен на самиот почеток на протестот во Белград пред српскиот парламент затоа што им дофрлаше на полицајците, по што полицајци со цивилна облека го одведоа во правец на Собранието, објави Блиц.
Пред Собранието дојде до вербален судир помеѓу левичарите и десничарите при што за малку беше избегната физичка пресметка. Полицијата уапсила две лица и со тоа засега е избегната физичка премсетка.
Претседателот на Народната партија, Вук Јеремиќ, изјави дека протестите во Србија треба да останат мирни, да бидат граѓански и дека не треба да има расправии.Демонстрантите од Нови Сад попладнево го блокираа и автопатот Е-75 кон Белград.