29 Ноември, 2020
0.0269

БАНКАРИТЕ НЕ СЕ ПРЕЦИЗНИ ДАЛИ ЌЕ СЕ ОТКАЖАТ ОД ДИВИДЕНДИТЕ - велат, секогаш се грижиме за стабилноста

Објавено во: Финансии 26 Март, 2020

Откако Народна банка им порача дека очекува од нив добивката што ја оствариле лани да не ја делат за дивиденди, туку да ја искористат за зголемување на капиталот, дел од банкарите за Фактор велат дека тие како и секогаш досега, и во овој кризен период ќе се грижат да задржат соодветна висина на адекватност на капиталот, а со тоа и поддршка на бизнисот.

„Ние апсолутно секогаш ќе се грижиме да задржиме висина на капитална адекватност и висина на ликвидност, со цел да се обезбеди стабилност на банкарскиот систем, а со тоа воедно и поддршка на бизнисите и на економијата воопшто“, коментираат дел од банкарите за Фактор.

Сепак, оттаму нема прецизен одговор дали ќе си скратат од дивидендите, а за сметка на тоа тој дел од добивката да ја зголеми банкарската сила, што ќе даде повеќе простор за кредитирање во кризниот период, но и да се покријат кредитните загуби до кои ќе дојде поради тешката состојба во која ќе се најдат граѓаните и фирмите.

„За тоа дали ќе ги намалиме дивидендите, тоа не би можеме да го коментираме однапред. Тоа ќе бидат одлуки на собранијата на акционери, и тоа се ценовно чувствителни информации за кои откако ќе бидт донесени одлуките, јавноста ќе биде информирана преку Берзата, согласно правилата“, објаснуваат банкарите. 

Народна банка ова не може да го нареди, но може да им го препорача на банките. Очекувањата на монетарните власти се банките - добивката остварена во измината година да ја стават во функција на натамошно зголемување на капиталот и финансискиот потенцијал, и над минималните законски и супервизорски барања, односно за градење дополнителен простор над нив. 

„Како што им е укажано, банките треба да се подготвени да обезбедат поддршка на редовното работење на граѓаните и фирмите коишто се нивни клиенти, задоволување на квалитетната кредитна побарувачка, при истовремено покривање на евентуалните кредитни загуби како последица на ефектите на вирусот КОВИД-19 врз домаќинствата и правните лица“, објаснија од централната банка.

А за олеснување на условите на кредитите на граѓаните и фирмите, банкарите велат дека Владата треба да ја донесе Уредбата со која тоа ќе им се овозможи, но одлуката пак ќе биде на страна на банките.

„Односно, со Одлуката на Народна банка на Македонија за промена на Одлуката за кредитниот ризик, и со Уредбата на Владата што треба да се донесе, ќе им се овозможи на банките да дадат поповолни кредитни услови на граѓаните и фирмите, а тие се одлагање на наплатата, рефинасирање, како и други поповолни услови. Значи, на банките тоа ќе им се овозможи, но тие со оваа одлука и со уредбата нема да се задолжат да го сторат тоа. Односно, ниту НБМ ниту Владата тоа не можат да им го наредат на банките“, велат банкарите. 

Од банките велат дека штом помине уредбата, тие ќе овозможат одложување на плаќањата на подолги рокови, на оние категории граѓани и фирми што имаат проблеми, односно се во загрозената категорија.

Нина Нинеска-Фиданоска

Можеби ќе ве интересира

ШОКАНТНО ТВРДЕЊЕ НА ПЕТКОВСКИ - може да се наплатат 80 отсто од побарувањата, КОСТОВСКИ ПОРАЧА - остави хартиите, каде се парите бе човече

ШОКАНТНО ТВРДЕЊЕ НА ПЕТКОВСКИ - може да се наплатат 80 отсто од побарувањата, КОСТОВСКИ ПОРАЧА - остави хартиите, каде се парите бе човече

ЖЕСТОКО ВО СТУДИО: ПЕТКОВСКИ ДО КОСТОВСКИ - ништо во банката не беше направено без вас и вашиот син, како можете да кажете дека јас сум владеел

ЖЕСТОКО ВО СТУДИО: ПЕТКОВСКИ ДО КОСТОВСКИ - ништо во банката не беше направено без вас и вашиот син, како можете да кажете дека јас сум владеел

СЕ КОЛНАМ ВО СЕ НАЈМИЛО, НЕ СУМ ПОСЕГНАЛ ПО ТУЃО - Костовски вели дека во неговата банка имало криминал од 110, а не од 60 милиони евра

СЕ КОЛНАМ ВО СЕ НАЈМИЛО, НЕ СУМ ПОСЕГНАЛ ПО ТУЃО - Костовски вели дека во неговата банка имало криминал од 110, а не од 60 милиони евра

МУАРЕМИ ЗА ЕУРОСТАНДАРД - испитуваме злоупотреба на службена положба, перење пари, фалсификати, измами, блиску сме до утврдување кривична одговорност

МУАРЕМИ ЗА ЕУРОСТАНДАРД - испитуваме злоупотреба на службена положба, перење пари, фалсификати, измами, блиску сме до утврдување кривична одговорност

Гувернерката Бежоска потврди - нема да присуствува на вечерашната дебата, досега транспарентно известувале за случајот Еуростандард

Гувернерката Бежоска потврди - нема да присуствува на вечерашната дебата, досега транспарентно известувале за случајот Еуростандард

ВЕЧЕРВА ЖЕСТОКО ТЕЛЕВИЗИСКО СООЧУВАЊЕ - што ќе си кажат газдата и екс директорот на пропаднатата банка, сега најголеми непријатели

ВЕЧЕРВА ЖЕСТОКО ТЕЛЕВИЗИСКО СООЧУВАЊЕ - што ќе си кажат газдата и екс директорот на пропаднатата банка, сега најголеми непријатели

ДУРИ 100 МИЛИОНИ ЕВРА - замрзнати се имот, сметки и хартии од вредност на четворица, до каде ќе се размотува клопчето Еуростандард банка

ДУРИ 100 МИЛИОНИ ЕВРА - замрзнати се имот, сметки и хартии од вредност на четворица, до каде ќе се размотува клопчето Еуростандард банка

Промени во Одборот на директори на Триглав осигурување

Промени во Одборот на директори на Триглав осигурување

Промена во моќта: Доларот веќе не е водечка валута во светот

Промена во моќта: Доларот веќе не е водечка валута во светот