Азија врие од милијардери

Добивај вести на Viber

На азискиот континент има повеќе милијардери во споредба со остатокот од светот, а зад него следат Северна Америка и Европа, покажуваат резултатите од студијата на кинескиот магазин за богаташи “Хурун Рипорт“. 1.453 богаташи се регистрирани во јануари,чие богатство надминува една милијарда долари. Азија има 608 милијардери, Северна Америка 440, а Европа 324. Меѓу поединечните земји по бројот на милијардери доминираат Соединетите Американски Држави и Кина со 408 и 317 богаташи, а зад нив следат Русија, Германија и Индија. Мексиканскиот милијардер Карлос Слим е наведен како “најбогат човек на планетата“ со богатство од 66 милијарди долари. Седумдесет и тригодишниот милијардер се наоѓа и на врвот на листата на “Форбс“ на најбогати луѓе за минатата година. Американскиот инвеститор Ворен Бафет и Аменсио Ортега од Шпанија, основач на брендот “Зара“, се вториот и третиот на листата на “Харун Рипорт“ со богатство од 58 и 55 милијардил долари. Се проценува дека вкупното богатство на милијардерите е 5,5 илјади милијарди долари, колку што е вредноста на економијата на Јапонија за 2012 година. Минатата година бил забележан скок на вредноста на богатството на приватниот сектор, се наведува во извештајот и се додава дека нето имотот на 10-те најбогати луѓе од листата пораснала за 22 отсто за една година, или 250 милиони долари дневно. Реалниот број на милијардери би можел да биде и три пати поголем бидејќи голем број супербогаташи го кријат своето богатство.