Азески: Еден вирус, многу прашања, малку одговори - АНАТОМИЈА НА ЕДНА ИЗЈАВА

Добивај вести на Viber

„Можам да Ви гарантирам дека ќе бидеме навистина сервис на компаниите, а убеден сум дека на крајот на мандатот Комората ќе биде институција со 5 ѕвезди“.  Оваа изјава е дадена на 10 март 2005 година на изборното Собрание на Комората и предизвика вистинско вчудоневидување кај присутните бизнисмени. 

1.  Да видиме како Комората работеше од тогаш до денес:

-  Комората денес е најголемиот кадровски расадник во државата: илјадници доктори на наука, магистри, експерти, инжењери работат во нејзините членки;

-  Комората е член на најеминентните коморски здружувања во регионот, Европа и светот;

-  Комората е асоцијација на 104, од вкупно 200-те, најуспешни компании кај нас;

-  Комората организирала 8.000 настани, презентации, семинари, едукации, бизнис-форуми, посета на саеми и презентации на кои учествувале 270.000 претставници на нејзините членки;

-  Комората издала 170.000 документи за потребите на компаниите;

-  Комората решила преку 150 арбитражни спорови;

-  Комората има најдобар сајт во категорија „најдобар бизнис сајт во РСМ за 2020 година“;

-  Комората дневно ја посетуваат, во просек 110 претставници на компаниите,  за разни потреби.

2.  Во првата недела на кризата, во март 2020 година, незаменлива беше улогата на Комората во деблокирање на транспортот наменет за потребите на нашите компании. Но, незменлива беше и улогата на Кризниот штаб кој даде најголема помош на комапниите во првите месеци на кризата. Незаменлива беше и улогата во Економскиот совет за време на „Пржинската влада“ и конципирањето на пакет мерките.

3.  Но она што се случи изминатиов викенд со акцијата на Коморскиот инвестициски форум ќе остави белег во нашето работење, а потврда за тоа се добиените мејлови од нашите членки.

-  Да не беше Стопанската комора требаше да ја измислиме - ФИЛИП МОРИС.

-  Секоја чест за беспрекорната организација - СТОПАНСКА БАНКА; КАМ ДОЕЛ; КОМЕРЦИЈАЛНА БАНКА;  МАКЕДОНСКИ ТЕЛЕКОМ; ТРИГЛАВ ОСИГУРУВАЊЕ; ХАЛК БАНКА; ФАРМАХЕМ.

-  Вие сте цареви, го правите невозможното. Може да платиме дупла членарина? - ААГ.

-  Ве бива за сè- СИВУС; БИМИЛК; ЕЛЕКТРОДИСТИБУЦИЈА ДООЕЛ, СКОПЈЕ.

-  Да се заблагодариме што секогаш изнаоѓате решенија и се грижите за бизнис заедницата – ВИЕНЕРБЕРГЕР, ДООЕЛ, ВИНИЦА.