АВИОН СЛЕТА ВО АТИНА: Од 91 патник, 12 позитивни на коронавирусот
Објавено во: Балкан, Корона Вирус 02 Јуни, 2020
Вистинска драма се случуваше во авион каде имаше 12 позитивни на коронавирусот.
Во авион со 91 патник на „Катар ерлајнс“ што синоќа слетал од Доха во Атина, позитивни на Ковид-19 се 12 патници, по што Секретаријатот за цивилна заштита на Грција одлучи да ги забрани летовите од и кон Катар, јави дописничката на МИА од Атина.
Девет се државјани на Пакистан со дозвола за престој во Грција, двајца се грчки државјани од Австралија, а еден е Јапонец, член на грчко- јапонско семејство.
Сите патници кои слетуваат на атинскиот аеродром, според протоколот се тестираат за Ковид-19, а додека да пристигнат резултатите, сместени се во хотели карантин.
Оние кои се позитивни, остануваат 14 дена, а за оние коишто се негативни, но се сметаат за контакти од висок или низок ризик, остануваат една недела во карантин, по што се повторува тестот.