Аутомакедонија ќе му продаде шест автобуси на АД ЕСМ за 1,4 милиони евра
Објавено во: Економија 19 Февруари, 2020
„Аутомакедонија АД“ е фирмата која е избрана во отворена постапка за набавка на шест еколошки автобуси на погон на метан од страна на АД ЕСМ.
Компанијата, која ги продава автобусите на Isuzu, ќе заработи 1,4 милиони евра за возилата кои ќе ги опслужуваат вработените на РЕК Битола, но второстепено ќе вршат бесплатен превоз на ученици, студенти, пензионери, спортски клубови и други целни групи од Битола, Новаци и Могила.
Претходно Аутомакедонија на Јавното претпријатие за урбано планирање во Прилеп му испорача четири автобуси за градски превоз на природен компримиран гас (CNG) од производителот.
АД ЕСМ ги купува автобусите од сопствени средства, а пртетходните беа стари 20 години.
А.К.