Арцелор Митал стана дел од Либерти Стил на моќната ГФГ Алијансата

Добивај вести на Viber

Поранешната скопската челичарница Арцелор Митал сега Либерти Скопје од денска и официјално стана дел од ГФГ Алијансата. Менаџментот на британската компанија има сериозни очекувања од фабриката во Скопје, а заедно со скопската ГФГ презеде шест други челичарници и пет сервисни центри низ седум европски земји. Вкупната инвестиција е 740 милиони евра и со тоа Либерти Стил станува еден од првите меѓу десетте производители на челик на глобално ниво со исклучок на Кина, со вкупен капацитет на валање кој надминува 18 милиони тони што опфаќа широк спектар на готови производи. Санџив Гупта, меѓународниот индустриски и метал претприемач вели дека има сериозни амбиции за фабриката во Скопје.

„Ние сме навистина горди што ги пречекавме стотиците квалификувани и посветени кадри во Скопје во ГФГ семејството. Со нетрпение очекуваме да работиме заедно со Волфганг и неговиот тим за да создадеме светла и одржлива иднина за нашата алијанса и нашата индустрија, рече Гупта.

Вицепремиерот Кочо Анѓушев, изјави дека ова е сериозен проект кој овозможува сигурна иднина за македонската компанија.

„Стануваат еден од најголемите производители во светот со вкупно производство од 11 милиони тони, а целата групација има над 30.000 вработени и 20 милијарди евра годишен проход. Нас ни задоволство што има нова иднина и за Либерти Скопје, рече Анѓушев.

Либерти Челик Континентална Европа има за цел да ја направи фабриката со 474 работници важен дел од широкиот ланец на снабдување со производство, кој обезбедува материјали и компоненти за индустријата ширум Европа. За да се започне тој процес, Либерти веќе формираше техничка работна група за да ги разгледа потенцијалните синергии со Либерти Магона и нејзините работи со челик во Пиомбино, Италија.  Фабриката во Скопје има капацитет за производство од 750 илјадитони ладно валан челик, 200 илјади тони галванизиран челик со топли натопи, како и 77 кт на органски обложен челик за градежни и индустриски клиенти. Либерти Скопје држи долгорочен рекорд за производство на производи со висок квалитет, како што се органски обложени челици што се користат за профили на покрив или сендвич-панели, како и поцинкувани челици за структури. Друга предност на фабриката во Скопје е нејзината силна врска со Либерти Галати, со тоа што сестринската фабрика во Романија обезбедува високо квалитетни влезни материјали.

Завршувањето на превземањето предизвика почеток на 100-дневен преглед во текот на кој високи извршни директори од Либерти Челик Континентална Европа работеа со менаџерскиот тим во Скопје, синдикатите, клиентите и добавувачите, за да се заврши сеопфатната анализа на деловните активности Ова им овозможи да ги истражат можностите за инвестирање и да развијат детални планови за зајакнување на конкурентноста, проширување на опсегот на производите и поддршка на растот на продажбата. Со процесот започнаа да се распределуваат инвестициски фондови во текот на следните години за поддршка на активностите за подобрување.

 „Ние сме многу среќни што се приклучивме на ГФГ семејството и уживавме да работиме со Санџив и неговиот динамичен тим. Нивното искуство во челичната индустрија и нивниот ентузијазам како помош да ја обноват  благосотојбата во Скопје е фантастично, и со нетрпение очекуваме да инвестираме и да ја развиваме иднината на нашиот бизнис, вели Волфганг Марингер, извршен директор на Либерти Скопје.