АНТОНИО ГУТЕРЕШ: ЛГБТИ заедницата дискриминирана при барање здравствена заштита од корона вирусот
Објавено во: Свет 17 Мај, 2020
За време на пандемијата на корона вирусот,
припадниците на ЛГБТИ заедницата се особено ранливи на дискриминација и
злоупотреба, предупреди денеска Генералниот секретар на ОН, Антонио Гутереш
-Многумина припадници на ЛГБТИ заедницата се соочуваат со сериозни проблеми кога бараат здравствена заштита, особено сега за време на пандемијата на Ковид-19, истакна Гутереш на одбележувањето на 17. мај кој е прогласен за Меѓународен ден против хомофобија, бифобија и трансфобија.
Гутереш вели дека постојат документирани извештаи дека мерките кои се спроведуваат за заштита од вирусот, полицијата ширум светот ги злоупотребува за да бидат таргетирани припадниците на ЛГБТИ заедницата. Истовремено порача дека ОН и понатаму ќе ги потенцираат ваквите неправди, со цел успешно да бидат решавани од страна на националните влади.