АНГЕЛ АНГЕЛОВ СЕ ВРАТИ НА АМБАСАДОРСКАТА ФУНКЦИЈА ВО СКОПЈЕ: Повторно на дипломатските должности во полн капацитет
Објавено во: Македонија 30 Јануари, 2023
Министерството за
надворешни работи вечерва за МИА потврди дека бугарскиот амбасадор во Македонија
Ангел Ангелов им се враќа на своите дипломатски должности во полн капацитет.
Тој беше повикан назад во Софија на 25. јануари од страна на првиот бугарски дипломат, Николај Милков, кој тогаш изјави дека Ангелов ќе остане во Бугарија се додека не биде регистриран напредок во однос на третманот на македонските граѓани со бугарска самосвест во Македонија.
Од бугарското МНР тогаш информираа дека „целта на консултациите е да се разговара за можностите за запирање на опасниот тренд на зголемен притисок врз граѓаните на Македонија со бугарска самосвест и за изгледите за понатамошен развој на билатералните односи“.
Од македонското МНР еден ден подоцна излегоа со реакција дека со внимание ги следат изјавите и активностите кои доаѓаат од Република Бугарија и со жалење констатираа дека последните активности на официјална Софија, не се во согласност со договорената практика за унапредување на меѓусебните односи и напротив, тие претставуваат потклекнување кон провокациите на оние кои сакаат да ги нарушат напорите на двете Влади за стабилен и позитивен развој на односите меѓу двете земји.