АНАЛИЗА НА АНДРЕАС КЛУТ: Макрон бил неправеден кон Скопје и Тирана
Објавено во: Македонија 20 Февруари, 2020
Членот на бордот уредници на Блумберг и поранешен главен и одговорен уредник на Ханделсдблат, Андреас Клут во анализа вели дека ако ЕУ делува одбивно кон Балканот, тогаш тие ќе притрчаат во рацете на анти-западните автократи.
Русија и Кина веќе ги прошируваат своите пипала во југоисточна Европа, а овие вторите финансираат изградба на пристаништа, мостови и железнички линии и тоа низ нетранспарентни политички зделки, пишува во анализата објавена во Вашингтон Пост, Клут.
Наведува дека 27-те земји членки на Европската унија деновиве ги делат многу работи, но една од најголемите контроверзии која лебди над блокот е „проширувањето“. Прашањето е дали ЕУ, во жаргонот на еврократите може паралелно и да се „шири“ и да ги „продлабочува“ внатрешните односи.
Според него, на францускиот претседател Емануел Макрон му се забележува дека бил неправеден затоа што не го признал исчекорот што го направиле двете земји за да влезат во процесот на преговори за членство. Албанија направи ветинг во судството и води сериозна битка против организираниот криминал. С Македонија пак, дури и го смени своето име само за да ја смири Грција. ЕУ вети дека ова ќе биде доволно за да започне преговори.