Албанија ја одреди сумата која ќе ја бара како донација за земјотресот
Објавено во: Финансии 05 Февруари, 2020
Официјално, 985 милиони евра чини штетата што фаталниот земјотрес ја предизвика во Албанија на 26 ноември минатата година. Ова го покажува извештајот презентиран денеска во Албанија а истиот претставува релевантен документ без кој Албанија не може да бара пари како помош за Програмата за обнова на Донаторската конференција на 17 февруари.
Земјотресот на 26 ноември 2019 година беше еден од најтрагичните денови во Албанија, при што загинаа 51 лице, а илјадници беа повредени. Министерот за земјоделство на Албанија, Бленди Чучи, ја објави и официјалната бројка на штета предизвикана од овој земјотрес, која изнесува 985 милиони евра.
Околу 17,000 луѓе беа принудно раселени од своите домови. 202.000 луѓе беа погодени на директен или индиректен начин од земјотресот во 11 општини.
Околу 90 странски и домашни експерти го комплетираа извештајот за проценка на штетата. Подготвен е според сите стандарди на ЕУ, Светската банка и ОН. Во рекордно време, беа обновени 50 илјади живеалишта.