Ако патувате во Грција, температурите деновиве ќе бидат до 44 степени
Објавено во: Балкан, Корона Вирус 27 Јули, 2021
И во Грција ќе има екстремен топлотен бран, при што температурите ќе се искачат и до 44 Целзиусови степени.
Топлото време ќе потрае до 8 август, што е невообичаено долг период. Од утре натаму се очекува во текот на ноќта да биде над 30 степени. Грција веќе страдала од екстремни топлотни удари во минатото, но сега ќе биде уште потопло.
Земјата се соочувала со катастрофи во минатото. Во 1987 година, 4.000 луѓе починале од сличен топлотен удар, кога системите за климатизација сè уште не биле вообичаени. Особено погодени биле постарите луѓе во градовите.
Големи делови на полуостровот Пелопонез изгореле во 2007 година за време на уште еден топлотен удар и силни ветрови, а десетици луѓе загинале.
Топлотен бран ќе ја зафати и Македонија, поради што се бараат мерки за заштита на работниците.