Ако не може на гробишта да дојдат во храмовите: Црквата ги повикува верниците
Објавено во: Македонија 04 Јуни, 2020
Поради забраната да се оди се оди на гробишта за престојниот празник и поради полицискиот час, Повардарската православна епархија ги повик граѓаните наместо на гробишта верниците да дојдат во црква.
Со оглед на новонастанатата состојба во државата за заради пандемијата со Ковид-19 која се однесува на забраната за посетување на гробните места за денот на покојните- Духовденска задушница, се известуваат и повикуваат сите верни чеда на Повардарската православна епархија од сите населенеи места кои се во нејзиниот состав во деновите Петок и сабота во периодот од 8 до 14 часот да дојдат во дворовите и во храмовите и со себе да понесат варена пченца, црвено вино и список со упокоените, стои во соопштението.
Владата објави дека се воведува полициски час за престојниот викенд
Владата донесе одлука за полициски час, целосна забрана за Скопје, Куманово, Липково, Штип, Тетово, Брвеница, Теарце, Желино и Јегуновце, од четврток од 21 часот до понеделник до 5 часот наутро.
Во сите останати градови, се забранува движење на сите граѓани од четврток (4 јуни) од 21:00 часот до петок (5 јуни) до 05:00 часот наутро.
Петок, сабота и недела во другите градови има забрана за движење од 16 часот до 5 часот следниот ден.