Ахмети за „Монструм“: Плативме висока цена, ако не се расветли, може да има последици
Објавено во: Македонија 21 Февруари, 2020
Како политичка партија плативме највисока политичка цена за „Монструм“, па затоа побаравме да се повтори овој судски процес, рече лидерот на ДУИ Али Ахмети, по сведочењето во судот. Тој вели дека доколку овој случај не се расветли како што треба, ќе има последици.
„Побаравме повторување, повторно судење, бидејќи судовите и обвинителството беа многу чувствителни и ранливи, а целата јавност беше во необјаснета ситуација, вклучително и сеемјствата кои ги загубија своите блиски, вклучително и тие што беа осудени. И ние силно баравме ова судење да се повтори со докази со меѓународно мониторирање. Тоа го побаравме и од Брисел и од Вашингтон, овој процес да се мониторира. Брисел и Вашингтон ни рекоа дека веруваат во мониторирањето на ОБСЕ. Пред се, ние сакавме вистината да излезе на виделина, само така можат да најдат мир тие кои ги загубија своите најмили, но и не со секој услов да се инструментализира еден виновен туку тој што го има сторено делото и да одговара, да нема селективна правда“, рече Ахмети.
Тој, како што нагласи, не може да суди дали обвинетите се виновни или не.