Добивај вести на Viber
Адвокатите на Мирослав Мишковиќ, сопстевник на „Делта Холдинг“ и на неговиот син Марко, планираат да понудат кауција за нивното пуштање на слобода, пишува Блиц.
Медиумите и порано пишуваа дека адвокатите на Мишковиќ нуделе кауција за да може да се барни од слобода, но тогаш и адвокатите и Обвинителството за организиран криминал ја демантираа оваа вест. Според српскиот закон за кривична постапка не е ни возможно да се понуди кауција во случај кога судот ќе одреди притвор поради можно влијание врз сведоците.
Меѓутоа оваа тема повторно се актуелизира, бидејки сите сведоци планирани за овој случај се веќе сослушани.
Блиц потсетува дека на Мирослав и Марко и на останатите, притворот им е одреден поради три основи: За да не влијаат врз сведоците, поради опасност од бегство и пореди вознемирување на јавноста.
Адвокатите на Мишковиќ сега сметаат дека една од причините за продолжување на притворот практично е “решена“, бидејки се сослушани сите сведоци, односно нема никакво влијание врз нив, а судот за преостанатите причини може да им ги земе патните исправи, да ги обврза со секојдневно пријавување во полицијата како и да им одреди куќен притвор со електрична алка или без неа. Поради тоа адвокатите на сопственикот на „Делта Холдинг“одлучиле да бараат ослободување од притворот. Според Блиц за тоа ќе биде понудена кауција во висина на штетата за која се терети Мишковиќ, околу 20 милиони евра.
На Мирослав Мишковиќ, Марко како и на Џурашковиќ притворот им е продолжен до 9-ти март, сепак тие имаат право пред истекување на ова продолжение да бараат ослободување од притвор. Конечната одлука ќе ја донесе Апелациониот суд во Белград.