АБИТ и Хрватскиот институт за банкарство и осигурување – ХИБО од Загреб ја интензивираат соработката
Објавено во: Мои пари 16 Јули, 2021
Имено, на состанокот беше разговарано за отпочнување на поактивна соработка со Хрватскиот институт за банкарство и осигурување – ХИБО од Загреб. Оттука, амбасадата ќе ја поддржи иницијативата за соработка и пренесување на искуствата на ХИВО, како модел за преструктурирање и трансформација на АБИТ, со цел, стабилизација и приближување кон европските стандарди за финансиска едукација и банкарски тренинг. За таа цел, директорот на ХИБО од Загреб, проф. д-р Ивица Прга упати покана за официјална средба во Загреб на претставници на АБИТ и Амбасадата на Република Хрватска во Скопје, во текот на идниот месец.
Хрватскиот институт за банкарство и осигурување – ХИБО, после 25 години работа на стручната едукација на хрватските банкари и осигурителни работници, се трансформира во јавно-приватно партнерство со многу поголемо учество во капиталот и финансирањето од страна на Хрватската Народна Банка и Министерството за финансии на Република Хрватска. Токму затоа, беше оценето дека, сега, е добар момент таквиот модел на ХИБО да се имплементира или да се развива во земјите од Западен Балкан, вклучително и кај нас.