80 ИЛЕГАЛНИ РУДАРИ ГИ СИЛУВАЛЕ МАНЕКЕНКИТЕ, локалните жители револтирани од постапката решиле сами да се одмаздат

Добивај вести на Viber

Осум жени беа силувани дури и десет пати од повеќе мажи на 28 јули на депонијата во рудникот во градот Вест Вилиџ, во Јужна Африка. Како што објавуваат медиумите деновиве, за настанот најверојатно се виновни илегалните рудари во Јужна Африка. Се смета дека тие минатата недела ги силувале 8 манекенки кои снимале спот во близина на рудник. 

Локалните жители револтирани од настанот, но и од претходни проблеми кои ги имале со илегалните работници, се собрале и во знак на одмазда, ги претепале и им ги запалиле камповите. 

Околу 80 мажи беа уапсени по силувањето на осумте жени, и по нивното претепување од страна на населението. Полицијата соопшти дека го истражува случајот.

Многу од рударите се мигранти од други африкански земји, а реакцијата ја зголеми загриженоста за ксенофобијата. 

Јужноафриканскиот претседател Сирил Рамафоса го осуди насилството во петокот.

- Сите можеме да го разбереме јавниот негодување во Кагис предизвикан од групното силување на осум млади жени минатата недела и сите длабоко и искрено ја споделуваме болката на жртвите, нивните семејства и соседните заедници - додаде тој, пренесува „Мондо“.

Илјадници гневни жители на јужноафриканскиот град Кругерсдорп нападнаа група илегални рудари со мачети, голф палки и чекани. Во четвртокот, толпите ги запалија нивните кампови и ги забарикадираа патиштата со камења и запалени гуми за време на протестот против присуството на рударите, кои тие ги обвинуваат за висок криминал во областа.

Некои беа соблечени и камшикувани од жителите, додека други беа принудени да го напуштат кампот и тепани пред да бидат предадени на властите. Полицијата се држеше на дистанца и испука шок бомби од хеликоптер за да ја растера толпата.

- Сакаме поддршка од полицијата бидејќи илегалните рудари нè тероризираат. Не можеме навечер да шетаме низ населбата затоа што не силуваат - рече Нланхла Фелаци, која учествуваше на протестот.

Осум манекенки беа силувани на 28 јули кога тешко вооружени мажи нападнаа телевизиска екипа која снимаше музичко видео на депонија во рудник во блискиот град Вест Вилиџ.

Фото: Принскрин/Јутуб