4 шармантни градови во регионот што може да ги посетите оваа пролет
Објавено во: Балкан, Стил 19 Април, 2018
Заборавете на Лондон или Париз, нашиот Балкански регион крие убави градови кои се, секако, вреди да се посетат.
Кога станува збор за патување во европските градови, често се мисли на Париз, Лондон, Рим, Барселона или Амстердам. Сепак, овие дестинации се полни со туристи, а цените се доста високи таму. Затоа, денес ние ви носиме листа на 4 града во нашиот регион, кои се речиси заборавени, но навистина убави и вредни за посета.
Блед, Словенија
Блед и неговото убаво езеро се популарна дестинација кај Хрватите. Езерото е релативно блиску до Загреб, и е совршен за оние кои сакаат да трошат време во природа, бидејќи Алпите кои го опкружуваат обезбедуваат прекрасни патеки за пешачење.
Braşov, Романија
Домот на грофот Дракула, замокот Бран, се наоѓа помеѓу други замоци и тврдини, близу живописниот романски град во Трансилванија. Braşov нуди одлична комбинација на историски локалитети и трендовски кафулиња и ресторани кои ќе го направат престојот уште попријатен.
Јајце, Босна и Херцеговина
Овој прекрасен град се наоѓа на реката Врбас и крие траги од населби од античките времиња, средновековни замоци и кули, како и мистериозна подземна катакомба за што се раскажуваат многу легенди. Во близина на Јајце се наоѓа единствената готска црква во БиХ, што го прави овој град совршено место да се истражуваат историски локалитети, но и да уживате во природата.
Котор, Црна Гора
Се наоѓа на Јадранското Море, Котор е совршен град за еден поинаков одмор. Тоа е град на листата на заштитено светско културно наследство на УНЕСКО поради тоа што има богата историја која може да биде истражена преку музеи или ѕидовите што го опкружуваат градот. Покрај тоа, за разлика од морето, градот е опкружен со одлични патеки за велосипедизам и пешачење и посетата на Котор не мора да е резервирана само за летните денови.