(ВИДЕО) ПРЕТПРИЕМАЧКА ПРИКАЗНА: Од добра идеја до добар бизнис
Објавено во: Финансии 27 Јуни, 2017
Сања Милосављевиќ одлучила да ја остави работата во областа на авторските права и заштита на интелектуалната сопственост и да почне свој деловен пат.
Вели дека отсекогаш имала интерес за готвење, па решила да прави тестенини.
Иако немала многу искуство, таа изградила бренд кој стана популарен на социјалните мрежи, а работилница има во Белград.
Тестенините кои ги прави се со различна боја, облик и состојки.
Нив ги прави рачно, а името на фирмата е „Мое гнездо“ затоа што има тестенини кои потсетуваат на гнездо.
„Кога работиш сам за себе мораш сите работи да ги следиш. Морам да го следам пазарот со пченица, морам да набавувам брашно, да произведувам, да најдам купувачи, да дистрибуирам, да мислам на маркетинг“- вели Милосављевиќ.
Таа додава дека квалитетот мора да остане ист, па дури и да се подобри. Објаснува дека луѓето мора да учат постојано ако сакаат да напредуваат.